Ўзбекистонда кўп квартирали уйлардаги мажбурий бадалларнинг энг кам миқдорлари тасдиқланди. Тошкентда улар бинонинг майдони ва қаватлар сонига қараб 1 кв метр учун 1147 сўмдан 1829 сўмгача бўлади. Уй бошқаруви компаниялари кўрсатиши шарт бўлган минимал ишлар ва хизматлар рўйхати ҳам тасдиқланди.
2024 йилдан Ўзбекистонда нотариуслар квартиралар билан тузилган битимларни мулкдорнинг уй-жойни сақлаш учун мажбурий бадал ёки тўловлар бўйича қарзи бўлмаган тақдирдагина тасдиқлайди.
Навоий шаҳрида кўп қаватли уйни сақлаш бўйича мажбурий бадал ва тўловлардан қарздорлик учун квартираларни электр энергиясидан узиб қўйиш тажрибаси жорий этилади. Синов бутун Ўзбекистон бўйлаб олиб бориладими-йўқми, бу бўйича маълумот келтирилмаган.
Ҳокимиятларга 2024 йил 1 январга қадар кўп квартирали турар-жой бинолари ва унга туташ ер участкаларини доимий фойдаланиш ҳуқуқи асосида уй эгаларига нотижорат мақсадларда фойдаланишга топшириш вазифаси юклатилди.
Сенаторлар «Кўп квартирали уйларни бошқариш тўғрисида»ги қонунга ўзгартиришлар киритиш тўғрисидаги қонунни маъқуллади. Солиқ кодекси тўғридан-тўғри бошқарувчи ташкилотлар ва уй-жой бошқарувчилари учун солиқ имтиёзларини ўз ичига олади. Уй-жой коммунал хизмат кўрсатиш вазирлиги ҳузуридаги кўп квартирали уй-жой фондидан фойдаланишни назорат қилиш инспекцияси кўп квартирали уйлардан фойдаланиш ва уларни бошқариш қоидаларини бузиш соҳасидаги маъмурий ишларни кўриб чиқиш ҳуқуқига эга бўлди. Ушбу ўзгаришлар рўйхати тўлиқ бўлмаслиги мумкин — қонун матни эълон қилинганича йўқ.
Кўп квартирали уйнинг ертўласидан фойдаланиш тартиби тўғрисидаги низом тасдиқланди. Ертўладад дўконлар, киоскалар, дўкончалар ва бошқа фаолият турларини амалга ошириш мумкин. Ертўлалар фақат квартира эгаларининг розилиги билан ажратилади.
Ўзбекистоннинг 15 та ҳудудидаги 1227 та кўп қаватли уй, шу жумладан, Тошкентнинг Юнусобод туманидаги иккита мавзеда жойлашган уйлар бошқарувчи ташкилотларга бириктирилади. Улар очиқ танлов орқали танланади. Ҳужжатнинг айрим бандлари Уй-жой кодексига ва «Кўп қаватли уйларни бошқариш тўғрисида"ги қонунга зид бўлиши мумкин.
Қўшимча имкониятларга эга булиш учун сайтда рўйхатдан ўтинг